USA – Ginpamatbatan sang US District Court sang 45 ka adlaw nga pagkapriso ang isa ka Filipino-American nga ginbansagan ‘Walis Tambo’ nga nag-upod protesta kag nag-sulong sa US Capitol sadtong Enero 6, 2021.
Gin-aresto si Kene Brian Lazo sadtong Mayo 2021 sa iya balay sa Norfolk, Virginia.
Suno sa Federal Bureau of Investigation, katapo si Lazo sa mga tagasuporta sang anay US President Donald Trump nga iligal nga nagsulod sa US Capitol.
Nag-trending ang pagsulod ni Lazo sa US Capitol bangud sa suksok sini nga super hero costume kag iya dala nga silhig nga paypay.
Nakilal-an man sang imbestigador ang “identity” ni Lazo pamaagi sa iya nga social media posts.
Ginhinulsulan ni Lazo ang iya pag-upod sa pag-atake sa US Capitol kun diin lima ang napatay ka mga indibwal kag madamo naman ang pilason.
Naga-atubang si Lazo sa kaso nga “misdemeanor” kag “sexual battery of a child” sa Virginia nga natabo sadtong nagligad nga bulan matapos ang insidente sa US Capitol.
