Ginpamatbatan sang 2-year suspended jail term sang korte sang Vietnam ang Vietnam Airlines flight attendant subong nga adlaw matapos napamatud-an ngaguilty sa paglapas sang COVID-19 quarantine rules kag paglapta sang virus sa iban suno sa mga otoridad.
Si Duong Tan Hau, 29-anyos ang na-convict sang paglapta sang dangerous infectious diseases sa 1-day trial sa People’s Court sang Ho Chi Minh City, suno sa Vietnam’s Ministry of Public Security.
Nahibaluan nga ginlapas ni Hau ang 14-day quarantine regulations sang pungsod kag nakig-atubang sa 46 ka mga indibidwal kasunod sang iya nga flight gikan sa Japan sang Nobyembre.
Nagbisita man ini sa mga cafes, restaurants kag nagtambong sang iya English classes nga dapat kuntani naka-isolate ini.Nagpositibo siya sa COVID-19 sadtong Nobyembre 28.
Ang bayolasyon ni Hau ang nagresulta sang pagkaquarantine kag pagtest sa kapin 2,000 ka mga indibidwal sa siudad nga nagabalor naman sang 4.48 billion dong ukon ($194,192).Suno naman sa state media, na-infect sini ang tatlo ka mga persona sa lugar.
