Ginkilala bilang bag-o nga team manager sang NLEX Road Warriors si anay NLEX basketball player Larry Fonacier matapos ini mag-retiro bilang pro-player, suno sa NLEX management.
“A new role awaits Larry Fonacier after retiring from professional basketball. The Baby-Faced Assassin is now team manager of the NLEX Road Warriors.” pahayag sang NLEX.
Ang 40-anyos nga si Fonacier ang nagdaug sang pito ka beses sa PBA sumugod 2005.
Nakuha man ni Fonacier ang three-time all star apang nangin Finals MVP ini sadtong 2011-2012 PBA Philippine Cup sa team sang Talk ‘N Text.
Nangin Rookie of the Year man si Fonacier sadtong 2006 kag silver medalist man ini sa 2013 FIBA Asia Championship sa team sang Gilas Pilipinas.
Matapos nag-expire ang kontrata ni Fonacier sa NLEX sadtong Disyembre 31, 2022, iya ginbaton ang bag-o nga role bilang team manager.
Ang anay Ateneo Blue Eagles ang nagkigbahin bilang Road Warriors sang pito ka hampang kag may average ini nga 1.3 ka puntos.*
