Frontliner, Close-contact sang COVID-19 Positive Patient kag Senior Citizen nga Nag-attend sang Bulang, Pila sa mga Bag-o nga Nag-positibo sa Virus sa Sipalay

1 / 10

May pito ka bag-o nga kumpirmado nga kaso sang coronavirus disease (COVID-19) sa ciudad sang Sipalay, Negros Occidental, as of April 20, 2021.

Anum diri ang close-contact sang anay na nagpositibo sa virus, kalakip na ang isa ka frontliner.

Samtang may isa naman ka 65-anyos nga lalaki nga nagpositibo man. Ini siya ang nagtambong sa iligal nga bulang sa Barangay Cabadiangan.

Sa karon may 213 na ka kumpirmado nga kaso sang COVID-19 sa Sipalay, kon diin 52 diri ang aktibo, 157 ang naayo kag apat ang napatay.*