Nagasuporta si anay Defense Secretary Gilberto “Gibo” Teodoro, Jr. sa mga programa para sa food security sang pungsod.
Kinahanglan, suno kay Gibo, nga ang mga programa para sa food security ang may tinutuyo nga makahatag sang barato kag masustansiya nga pagkaon sa kada Pinoy.
Ang agrikultura kag mariculture productivity ang yabe agud malab-ot ang food security.
Ginpahayag ni Gibo nga makabulig gid ang pagpasanyog sang mariculture projects ukon marine organisms para sa pagkaon kag iban pa nga produkto bangud ang area sang Pilipinas ang 80 porsyento nga napalibutan sang katubigan.
Sa patag naman sang agrikultura, suno kay Gibo, nga kinahanglan i-evaluate ang mga talamnan agud nga mahibaluan kag mapasanyog ang “productivity” kag “profitability,” ilabi na sa mga mangunguma kag komunidad.
Ang capacity building para sa mga programa sang pagpanguma ang dapat nga nalakipan sang local government units, municipal agriculture kag agrarian reform officials.
Nagakaigo man nga tun-an kag i-review ang agrarian reform law bangud ini ang posible makapamalabag sang pagdako sang palangitan-an sang mga mangunguma, nga naghatag kag nag-invest na sang madamo nga tion, resources kag effort.*
