(Warning: graphic content)
MOISES PADILLA – Wasak ang natuo nga bahin sang ulo sang isa ka gina-alegar rebelde nga napatay sa nagluntad nga engkwentro sa Sitio Lower Tiyos, Brgy. Quintin Remo, banwa sang Moises Padilla takna las-5:30 sang kaagahon sang Martes, Abril 18.
Base sa report sang Moises Padilla Municipal Police Station, imbolbado sa nasambit nga enkwentro ang mga soldado sang 62nd Infantry Battalion (IB) sang Philippine Army (PA) kag ginabulubanta lima ka mga miyembro sang rebelde nga grupo.
Suno kay Brgy. Captain Felisa Villaflor sang nasambit nga barangay, naglawig sang lima ka minutos ang engkwentro.
Ginkilala sang kapitan ang napatay sa kay Jose Albores nga nagabaligya sang tobacco kag iban pa nga produkto sa banwa.
Gina-alegar sang PA nga si Albores ang nagabakal sang kinahanglanon sang mga rebelde sa siudad kag ginadul-ong niya ini sa grupo sa bukid.
