Nagpasaka na sang kaso ang Nike batuk sa Mschf, nga naghimo sang “Satan Shoes” nga isa ka collaboration sa rapper nga si Lil Nas X.
May angut ang kaso nga ginpasaka batuk sa Mschf sa “trademark infringement” matapos nga gin-alegar gin-usar ang Air Max 97 nga sapatos bilang inspirasyon sang “Satan Shoes,” nga may yara sang red ink kag tulo sang dugo sang tawo sa midsole sini.Nag-collaborate ang Mschf sa kay Lil Nas X para sa sneaker kadungan sa pagpagwa sang kanta sang rapper nga “Montero (Call Me By Your Name).”
Suno sa Nike, ang indi utorisado nga Nike-inspired nga sapatos kag ang pag-gamit sang trademark nga “Swoosh” ang nagpatalang sa mga manugbakal nga nagahuna-huna nga ang Nike mismo ang nag-obra sang produkto.
Gindugang pa sang Nike nga wala sila sang kahilabtanan sa Mschf kag kay Little Nas X.
Indi man sila ang nag-desinyo, nagpagwa kag naga-endorso sang sapatos.Wala pa nagpagwa sang komento ang Mschf.Ang “Satan Shoes” ang na sold-out sa sulod lang sang isa ka minute, pahayag sang Mschf sa Insider.
Gin-release sang Mschf ang 666 ka pares sang sapatos nga nagabili $1,018 ukon P49,409 kada pares.
