Ginbawian sang kabuhi ang isa ka Grade 6 student sa Badoc, Ilocos Norte matapos aksidente nga mahulog halin sa building sang ila buluthuan.
Sandig sa Badoc Municipal Police Station, nagalantaw ang biktima sang Foundation Day Program sa Caraitan Integrated School, sang hinali na lamang ini nadulaan sang balanse kag aksidente nga nahulog halin sa nasambit nga school building.
Dugang pa sang kapulisan, nagapungko ang biktima sa kilid sang grill sang hinali nga nakakas ang mag turnilyo sini rason nga nadulaan sang balanse ang biktima kag nahulog.
Gilayon naman nga ginhingagaw dala sa ospital ang biktima apang ginbawian ini sang kabuhi.
Nahibaluan nga isa ka manunudlo man sa nasambit nga buluthuan ang iloy sang biktima kag yara ini sa school compound sang nagluntad ang aksidente.*
