EUROPE – Nagapabilin nga mataas ang temperatura sang kainiton ukon heatwave sa mga kalasangan sa Western Europe sang Lunes, Hulyo 18, 2022.
Nakarecord naman ang Britain sang 38.1 Celcius sa Suffolk, Eastern England nga ginkabig bilang pinakamainit nga adlaw sini nga tuig kag pangatlo sa pinakamainit nga adllaw nga narecord sa maragtas.
Nagaekspektar naman ang mga eksperto sang pagtaas pa sang temperatura sang kainiton kag nakarecord na ang British sang 88.7 Celsius nga posible nagdangat sa 40 Celsius ang kainiton sa nasambit nga pungsod.
Ginabasol naman sang mga eksperto ang climate change nga nagaresulta sang indi normal nga pagtaas kag pagnubo sang temperatura nga mabatyagan sa bug-os nga kalibutan.
Nabudlayan naman ang mga bombero nga matapna ang duha ka madako nga sunog nga natabo sa nagligad nga semana sa nasambit nga pungsod bangud man sa indi normal nga kainiton sang temperatura sang adlaw.
