Ika-156 nga kaadlawan ni Apolinario Mabini gindumdom subong nga adlaw!

Gindumdom karon nga adlaw ang ika-156 nga kaadlawan ni Apolinario Mabini nga ginkilala bilang ‘Dakilang Lumpo’.

Sa Facebook post sang Department of Education (DepEd) gin-engganyo ang publiko nga dumdumon ang mga nangin ambag ni Mabini sa kahilwayan sang Pilipinas.

Suno sa DepEd, si Mabini ang ginkilala bilang utok sang himagsikan sa kasaysayan kag nagserbe nga tagalaygay sang mga parehas sini nga bayani nga sanday Andres Bonifacio kag Emilio Aguinaldo.

Subong nga adlaw, kadungan sang pagdumdom sa kaadlawan ni Mabini, katapusan naman nga pagsaulog sa National Disability Prevention and Rehabilitation Week.

Suno sa DepEd, dapat mangin inspirasyon si Mabini sa mga kabataan, ilabi na sa mga estudyante nga may kapansanan.