Ginsugdan na ang implementasyon sang SSS contribution hike, sini nga bulan.
Ginkumpirmar sang ahensya nga mangin 14 porsyento na ang contribution rate sang tagsa ka miyembro sang Social Security System gikan sa 13 porsyento.
Sa idalum sang bag-o nga contribution rate, pagabayaran sang employer ang one percent nga increase sa kontribusyon.
Bangud sini, mangin 9.5 percent na ang contribution rate sang employer samtang 4.5 percent naman ang ibuhin sa sweldo sang empleyado, agud makumpleto ang kabilugan nga 14 porsyento sa SSS contribution sang tagsa ka trabahador.
Nagpanawagan na ang mga negosyante sa SSS nga suspendihon ang ipatuman nga increase sa SSS contribution, apang ginbasura sang ahensya ang request sang business groups, bangud sa rason nga maganubo ang actuarial life sang pondo.*
