ISA KA AMAY GINBAKOL SANG KAHOY SANG IYA KAUGALINGON NGA ANAK

Nadakpan sa isa ka video ang pagbakol sang isa ka lalaki sa iya kaugalingon nga amay sa Surallah, South Cotabato.

Gintinguhaan nga manago sang amay sa katre apang ginsundan siya giyapo sang iya anak kag gina-sige sang bakol.

Nag-untat lang ang pagpanakit sang lalaki sang may nagsaway nga ila himata.

Bangod sa natabo, indi makalakat ang amay.

Suno sa nagkuha sang video, madugay na nga may lain sang buot ang lalaki sa iya amay kag nagaguwa ang kaakig sini kung makainom.

Ginapangita na sang otoridad ang suspek nga naglayas matapos ang natabo.