Isa ka tuig nga Moratorium sa pagbayad sang land amortization kag interests sang mga mangunguma, gin-mandu ni Presidente Marcos Jr.

Ginpirmahan ni Presidente Ferdinand Marcos Jr. sini nga Martes, Setyembre 13 ang executive order may angut sa isa ka tuig nga moratorium sa pagbayad sang mga agrarian reform beneficiaries (ARBs) sa land amortization kag interests.

Sakop diri ang mga duta sa idalum sang Comprehensive Agrarian Reform Program.

Suno kay Agrarian Reform Undersecretary Mylene Yap, may masobra 655,000 ka mga mangunguma ang makabenepisyo sa moratorium.

Ginhingyo anay ni Marcos Jr. ang Kongreso nga i-amend ang section 26 sang Comprehensive Agrarian Reform Law of 1988 agud hilwayon ang masobra 654,000 ka mga mangunguma sa kabug-aton sang utang nga nagdangat na sa P58 Bilyones.*