Inspirasyon ang gindul-ong sang anay janitor sa isa ka elementary school sa Masbate nga bangud sa iya paghimakas, nangin isa ka principal na sa eskwelahan.
Suno kay Christopher Alvarez, isa ka silent worker kag mapinalanggaon nga padre de pamilya ang iya amay nga si Efren Alvarez, ang anay school principal sang Badiang Elementary School sa Cataingan, Masbate.
“He is a silent father po, more on service. Maasikaso, thoughtful and supportive. Siya ang nagluluto every morning at nagpe-prepare ng baon namin kahit may trabaho na kami, nililinis niya din sasakyan namin bago kami umalis. He showed his love by serving us kahit sa bisita namin, very hospitable sya,” suno kay Christopher.
Suno kay Christopher, bata palang ang iya amay, mapisan na ini bangud nag-working student kag nangin janitor sang tuig 1986 sa parehas nga eskwelahan kung sa diin ini nangin principal.
“Si Kuya po ay physics teacher sa secondary, ako naman po ay head teacher sa island school, si sister naman ay elementary teacher, at si Mama naman po ay DepEd supervisor,” pahayag ni Christopher.
Apang, sang sini lang nga bulan sang Setyembre, nagtaliwan si tatay Efren bangud sa komplikasyon sa COVID-19.
Sang nagtaliwan na si Efren, didto na nahibaluan ni Christopher nga nakabutang sa Service Record sang anay trabaho ni tatay Efren bilang janitor, utility worker, kag nangin manunudlo antes pa ini nangin principal.
