John Riel Casimero balik boxing ring sa Mayo

Magabalik sa boxing ring ang anay world champion nga si John Riel Casimero sa bulan sang Mayo.

Paga-atubangon ni Casimero si Namibian boxer Fillipus Nghitumbwa sa Okada, Manila.

Gin-anunsyo sang Treasure Boxing Promotions nga matabo ang hampang sa Mayo 13.

Ulihi nga nakahampang si Casimero sa Philippine boxing ring sadtong 2019 matapos ginlutos via knockout si Cesar Ramirez Lora sa San Andres Civic & Sports Center sa Manila.

Ini ang una nga hampang ni Casimero sa tuig 2023.

Ang 34-anyos nga si Casimero ang naglutos kay Ryo Akaho via stoppage sadtong Disyembre 2022.

Sadtong Nobyembre 2019, nakuha ni Casimero ang WBO world bantamweight belt kay Zolani Tete.

Si Casimero ang may boxing recor nga 32 wins, 4 losses kag 22 knockouts.*