Kadamo ka mga isda nagkalamatay sa suba sa banwa sang Ilog; water sampling patigayunon agud mahibaluan kun ginhiluan ang tubig

Nagkalamatay kag naglutaw-lutaw ang mga isda sa suba sang Saugan, Barangay Vista Alegre, banwa sang Ilog, Negros Occidental.

Suno sa mga residente nga gina-alegar nga may nag-ula sang hilo sa suba nga nangin kabangdanan sa pagkapatay sang mga isda.

Madamo naman ka mga residente ang nagkadto sa suba agud manguha sang mga isda kag pila sa ila mga nakuha amo ang gagmay kag dalagko nga isda, ulang, kalampay kag alimango.

Ginpahayag naman ni Wilfredo Canto, tigpamuno sang City Environment & Natural Resources Office (CENRO) sa Kabankalan City nga magapatigayon sila sang water sampling agud mahibaluan kun ginhiluan ang tubig sang nasambit nga suba.*