Kaladkaren nakahimo sang maragtas sa patag sang pelikula

CUBAO, QUEZON CITY– Isa ka maragtas ang kadalag-an ni Kaladkaren sa ginpatigayon nga 1^st Summer Festival Metro Manila Film Festival 2023 Gabi ng Parangal sa Novotel Manila sa Cubao, Quezon City kahapon, Abril 11, 2023.

Si Kaladkaren ang una nga transwoman nga nakakuha sang dungog sa patag sang MMFF.

Nagdaug si Kaladkaren bilang Best Supporting Actress sa pelikula nga “Here Comes The Groom.”

Ginabidahan ang pelikula nanday Enchong Dee, Maris Racal, Keempee de Leon kag Eugene Domingo.

Ginpangunahan naman ni Direk Chris Martinez ang pelikula.

Apisar sang kadalag-an ni kaladkaren, tatlo pa gid ka mga dungog ang nakuha sang pelikula, amo ang Third Best Picture, Best Supporting Actor kag Special Jury Prize.*