Bangod sa padayon nga pagbubu sang ulan kag pagbaha, nakarekord sang 78 ka kaso sang leptospirosis sa National kidney and Transplant Institute (NKTI) sa Quezon City.
Ginapatihan naman nga ang pagdamo sang kaso sang leptospirosis ang bangod san a-eksperyensya nga pagbaha sa nagkalain-lain nga lugar.
Bangod sini, ginpaaandam ni Dr. Rose Marie Liquete, Head sang NKTI ang publiko nga gilayon magpalantaw sa doctor kung maka-eksperyensya sang sintomas sang balatian kaangay sang hilanat, pagsakit sang ulo, palanugnaw, muscle pain, pagsuka, pagpula sang mata, kag rashes agud mabulong gilayon.
Suno pa kay Liquete nga kunga pabay-an lang ang mga makita nga sintomas, pwede ini mangin acute kidney ukon liver failure kag mangin respiratory failure.
Dugang pa sini, malikawan ang leptospirosis kung likawan ang pagtapak sang mga tubig nga kis-a may higko sang ilaga nga gintunaan sang nasambit nga balatian.
Masami nga nagadamo ang kaso sang Leptospirosis kung may mga baha sa lugar kag nagatapak sa mga tubig ang tawo nga may pilas kag madasig masudlan sang virus.
