Katapo Sang BFP Special Rescue Force, Nagsalbar Sang Ido Nga Nahulog sa Manhole sa Bacolod

1 / 8

Gin-rescue sang mga katapo sang Bureau of Fire Protection Special Rescue Force ang isa ka babayi nga ido nga nahulog kag na-trap sa manhole nga may 12 ka tapak nga kadalumon sa Mt. Carmel, Barangay Alijis sa syudad sang Bacolod.

Ang manhole ang wala sang taklob kag posible nga nagtiner diri sang pila na ka adlaw ang ido, suno sa post sang BACH Project Ph.

Ginpanaugan sang isa ka katapo sang SRF ang ido kag ginbitbit ini pagwa sa manhole.

Gindala ang ido sa Provincial Veterinary Office kag ginhatagan sang atensyon medical kag ginpaliguan.

“We are kindly asking the Brgy officials of Alijis and the Homeowner Association of Mt. Carmel Village to please put a cover on the manhole for safety purposes,” suno s BACH Project Ph.*