Gin-aresto sang utoridad ang 23-anyos nga lalaki matapos naghaboy sang itlog kag nagpang-insulto kay King Charles III kag queen consort Camilla samtang ini sila ang nagalakat sa York.
Natabo ang insidente samtang nagapasulod ang hari kag iya asawa sa Micklegate Bar, isa ka medieval gateway kung sa diin tradisyon nga gina-abi-abi ang mga monarchs sa syudad.
Makita sa video footage nga nagkalabuka ang itlog sa salog apang wala man maigo ang royal couple nga padayon nga gina-abi-abi sang mga local dignitaries kag well-wishers.
May pila ka mga kapulisan ang makit-an nga gindakup ang isa ka lalaki nga nagsuya kag nagsinggit: “This country was built on the blood of slaves.”
Suno sa North Yorkshire Police, gindakup ang lalaki sa “suspicion of a public order offense” kag ginkustodiya.*
