Kuring sa Michigan ginkilala bilang “Tallest Living Domestic Cat” sa bilog nga kalibutan

Ginkilala ang Savannah cat nga si “Fenrir” sang Guinness Book of World Records bilang pinakamataas nga kuring sa bilog nga kalibutan.

Siya ang naghalin sa Michigan, U.S.A kag may kataason nga 18.83 pulgada.

Si “Fenrir” ang ginapanag-iyahan sang isa ka doktor nga si Dr. Will Powers sang Farmington Hills.

Suno pa kay Dr. Powers nga nagserbe bilang “therapy cat’ si Fenrir sa iya nga mga pasyente.

Nahibaluan nga ang una nga nakakuha sang titulo nga “Tallest Living Domestic Cat” ang utod man ni Ferir apang ini ang napatay sa sunog.