Lalaki nga Gina-Alegar may Balatian sa Paminsaron Patay matapos Mabungguan sang Tren

TONDO, MANILA – Patay ang isa ka lalaki nga gina-alegar may balatian sa paminsaron matapos ini nabungguan sang tren sa Tondo, Manila sang Domingo, Agosto 28.

Ginkilala ang biktima kay alyas ‘Master’, 45-anyos, kag nagalagaw-lagaw sa Barangay 155.

Suno sa imbestigasyon, nakita nga nagalakat ang biktima sa riles sang Philippine National Railways (PNR) malapit sa dalan Yuseco.

Matabok kuntani ang biktima sa pihak nga bahin sang riles sang nabungguan kag naguyod pa ini sang tren nga nagresulta sa iya kamatayon.

Nahibaluan nga wala sang himata ang biktima kag nagapamasura lamang ini agud makakaon.