- Advertisement -
Patay ang isa ka lalaki nga nagapangdakop sang edible frog ukon paka sa humayan matapos makuryente sang live wire sa Sitio Pantao, Brgy. Pandan, banwa sang Pontevedra takna las syete y media sang gab-i sang Martes, Hulyo 26.
Ginkilala ang biktima nga si Recarte Degala, 53-anyos nga mamumugon, residente sang Brgy. Estado, Victorias City, kag temporaryo nga nagapauli sa Sitio Pantao.
Base sa report sang Pontevedra Municipal Police Station, aksidente nga natandog sang biktima ang live wire nga naga-angut sa water pump halin sa balay.
- Advertisement -
Gindala pa ang biktima sa La Castellana Rural Health Unit apang gindeklarar ini nga dead-on-arrival.
