Okay lang nga magmahal ang presyo sang gasolina indi lang ang presyo sang soft drinks suno sa isa ka lalaki nga gas station attendant sa Ibajay, Aklan.
Ang soft drinks ginbaylo niya na bilang iya tubig sa sulod sang 20 ka tuig.
Sa episode sang KMJS, ginsiling ni Virgilio dela Cruz, nga maka-ubos siya sang 10 ka botilya sang soft drinks sa sulod sang isa ka adlaw.
Sa aga palang, antes magsulod sa trabaho si Virgilio, naga-inom na siya sang soft drinks bisan wala pa siya nakapamahaw.
Ang sweldo ni Virgilio nga P400 bilang gas attendant, tunga diri ang nagakadto sa soft drinks nga ginakabig niya pang “maintenance” sa iya lawas.
Suno kay Virgilio, naga-paos siya kag naga-ubo kong mag-inom siya sang tubig.
Apang, kung mag-inom siya sang soft drinks, wala siya sang may ginabatyag sa iya nga lawas.
Kung indi siya makabakal sang soft drinks, ginabutangan niya sang kalamay ang tubig nga iya gina-inom.
Ginpahayag man ni Virgilio nga kabalo siya sang indi maayo nga epekto sang soft drinks sa iya nga lawas kag isa na diri ang diabetes kag UTI.
Apang, nagpa check-up man si Virgilio kag normal man ang iya nga blood sugar.
