ZAMBOANGA DEL NORTE– Patay ang tatlo ka bulan nga lapsag matapos ginkagat sang ido sa ulo sa President Manuel A. Roxas, Zamboanga del Norte.
Suno sa 24 Oras, makita sa CCTV footage sa isa ka gasolinahan nga nagsulod ang ido sa isa ka hulot kun sa diin nagakatulog ang lapsag.
Makita nga naglabay ang ido sa mag-asawa kag nagdiritso sa hulot kag didto na ginkagat si Natasha Talibong.
Gilayon nagdalagan ang mag-asawa sa lapsag, ginkuha ang ido kag ginlampos ini sang amay sa guwa sang hulot.
Nadala pa ang lapsag sa ospital apang ginbawi-an ini sang kabuhi.
Suno kay PSSgt Ailicar Tindugan, Chief Investigator sang PMRPS, indi hinuptanan sang mag-asawa ang ido kag ginapangita kun sin-o ang tag-iya sini.
Wala naman naghatag sang impormasyon ang mag-asawa may angut sa natabo.*
