Naigo sang daku nga yelo sa ulo ang lapsag nga naga edad sang 20 ka bulan, nga nag resulta sa kamatayon sang biktima.
Suno sa mga otoridad, nagluntad ang makahalalit nga “hailstorm” sa Catalonia, northeastern Spain.
Nangin delikado ang pagtupa sang yelo gikan sa langit, nga may kadakuon nga “4 inches in diameter”, sa La Bisbal d’Emporda.
Nasamaran ang 50 ka mga persona sa diin ang iban sa ila nabali-an sang tul-an.
Nagsiniyagit kag nagpanago ang mga residente.
Nakit-an man ang mga kabataan nga isahanon nga nagadalagan.
Ginkumpirmar sang mga otoridad nga ini na ang pinakamalala nga “hailstorm” okon pag ulan sang yelo sa Catalonia, Spain, sa sulod sang duha ka dekada.
Ginpaidalum na sa “storm alert” ang pila ka bahin sang rehiyon, bangud sang kalamidad.*
