- Advertisement -
Nasapwan sang konduktor ang isa ka babaye nga lapsag nga nakaputos sa jacket nga ginbilin sa pulungkuan sang bus sa La Trinidad, Benguet.
Base sa report, nahibaluan nga yara na sa terminal ang bus sang nakita sang konduktor ang isa ka jacket nga nakaputos sa plastic kag nakatungtong sa pulungkuan.
Sang ginbuksan ang jacket, nakita ang isa ka lapsag nga babaye kag nakatakod pa ang umbilical cord sa pusod sang lapsag.
- Advertisement -
Suno sa opisyales sang barangay, gindala ang lapsag sa ospital apang gindeklarar ini nga “dead on arrival”.
Ginapatihan sang kapulisan nga gikan sa Cagayan ang nagbilin sang lapsag sa bus.
Patigayon gihapon ang imbestigasyon sang kapulisan samtang gin-hatagan sang disente nga lubong ang lapsag.
