Ginkumpirmar sang US Centers for Disease Control and Prevention nga may nagaluntad na nga local transmission sang “monkeypox” nga balatian sa Amerika.
Base sa una nga mga records, kalakip sa mga nagpositibo sa monkeypox amo ang mga indibidwal nga may “travel history” sa iban nga pungsod.
Apang, sini gid lamang, ginkumpirmar sang CDC nga may mga reports na sang transmission sa tunga sang mga miyembro sang pamilya kag mga close contacts sini.
Suno kay Dr. Agam Rao, CDC staff member, may mga kaso man sang monkeypox transmission sa tunga sang mga lalaki nga nagpakighilawas sa pareho man nga lalaki.
May mga kaso man sang monkeypox infection nga nagatuhaw sa mga babaye.
Isa ka viral infection ang monkeypox nga nangin endemic sa pila ka bahin sang Africa.
Sini nga tuig, natalupangdan ang pagtuhaw sang impeksyon sa iban pa nga mga lugar sa kalibutan.*
