Mangunguma sa San Carlos arestado sa Negros Oriental sa kaso nga pagpanghimulos

GUIHULNGAN, NEGROS ORIENTAL– Arestado sa kaso nga pagpanghimulos ang isa ka mangunguma sa Barangay Malusay, Guihulngan City, Negros Oriental sini nga Miyerkules, Setyembre 20, 2023.

Ang 43-anyos nga akusado ang residente sang Barangay Palampas, San Carlos City.

Gin-isyu ang warrant of arrest ni Judge Danilo Amisola sang San Carlos City Regional Trial Court Branch 58 sadtong Setyembre 26, 2014.

Wala naman sang bail bond nga ginrekomendar ang korte batok sa akusado.

Sa karon, nakahunong ini sa San Carlos City Police Station.*