Nagdangat sa P8.1 milyon ang balor sang ginasuspetsuhan shabu ang nakumpiskar halin sa isa ka lalaki nga nadakup sa ginpatigayon nga buy-bust operation sa syudad sang Cebu sini ng adlaw sang Domingo, Oktubre 2.
Ginakabig sang kapulisan nga “high value individual” ang lalaki nga nadakup sa operasyon sa Barangay Lorega, San Miguel.
Nagabug-at sa halos isa ka kilo ang nakuha nga ginasuspetsuhan shabu.
Suno sa suspek, naga-sideline ini sa pagdul-ong sang ilegal nga droga bangud kulang iya ginasweldo bilang mangluto sa isa ka kalan-an.
Ginpahayag ni Police Maj. Efren Diaz Jr., nga madugay na nila nga gina-imbestigahan ang suspek, nga may madako nga network sa pagbaligya sang droga.
Nagapangatubang ang suspek sang kaso nga paglapas sa RA 9165 ukon Comprehensive Dangerous Drugs Act of 2002.
via ABS-CBN
