Manunudlo sa Masbate Ginhimo ‘Aesthetic’ ang Classroom para sa Iya mga Estudyante

Ginhimo nga ‘aesthetic’ sang grade school teacher nga si Sue Ellen Palingayan ang iya classroom sa Masbate para sa pagbalik sang iya mga estudyante sa una nga adlaw sang face-to-face classes.

Suno kay Palingayan, luyag sini nga mangin komportable ang iya mga estudyante samtang naga-eskwela.

Sa una nga adlaw sang klase, ginhatagan ni Palingayan ang iya mga estudyante sang libre nga tumbler kag mask lace.

Ginpasalamatan man ni Palingayan ang iya mga abyan nga nagdonar sang mga materyales kag gamit agud mapanami ang classroom.

“All I ever wanted was a cozy second home for my pupils. I was teary eyed when I finished everything,” suno sa post ni Palingayan.