Masobra p100k nga balor sang ‘shabu’ nakuha sa Barangay 27, Bacolod

BACOLOD CITY – Dakup ang isa ka babayi nga ginakabig High Value Individual (HVI) sa ginpatigayon nga buy-bust operation sa Purok Chereza 2, Barangay 27, syudad sang Bacolod, Huwebes, Disyembre 1.

Ginkilala ang suspek kay Ana Marie Soqueño, 52-anyos kag residente sang nasambit nga lugar.

Sandig sa report sang Bacolod City Police Station 4, nakuha kay Soqueño ang apat ka plastic sachets sang ginasuspetsuhan shabu, P500 bill kag coin purse nga nagaduag itom.

Ang nakumpiskar nga shabu amo ang nagabug-at sa 15 gramos kag nagabalor sang P102,000.

Yara na ang suspek sa kustodiya sang Bacolod CPS 4 kag nagapangatubang ini sang kaso sa paglapas sa Republic Act 9165 ukon ang Comprehensive Dangerous Drugs Act of 2002.