Masobra P2.3 million nga balor sang ‘shabu’ nakuha sa Bacolod sa sulod lang sang isa ka semana

BACOLOD CITY – Nakakumpiskar ang Bacolod City Police Office sang 351.1 ka gramos ukon P2,387,280 nga balor sang “shabu” humalin Setyembre 12 tubtob 18 sa lima tanan ka mga operations nga ginpatigayon sang kapulisan.

Lima ka mga persona ang nagkaladakpan kag napasakaan sang kaso nga paglapas sang Republic Act 9165 ukon Comprehensive Dangerous Drugs Act of 2002.