Masobra sa 6,000 ka mga Patay nga Kabog, Nakuha sa Apat ka mga Lalaki nga Gindakop sa Bulacan

Nakuha sa apat ka mga lalaki nga gindakop sa San Miguel, Bulacan, ang masobra 6,000 ka mga patay nga kabog.

Suno sa awtoridad, nagabalor P90,000 ang mga kabog kung ini ang ibaligya.

Pagadal-on kuntani ang mga kabog sa isa ka exotic nga restaurant.

Nalakip ang kabog sa listahan sang “vulnerable species” sang Department of Environment and Natural Resources (DENR).

Ang mga suspetsado nga ginpangdakop amo sanday Rolando Santiago, Reynante Gonzales, Rejie Mangahas kag Ronald Santiago.

Sila ang ginpasakaan sang kaso sa pagbayolar sang National Integrated Protected Areas System Law, apang nakagwa man matapos nga makabayad sang piyansa.*