Matuod nga estado sang relasyon ni Sunshine Cruz kag Macky Mathay, ginbulgar na sang aktres

Nangin bukas na ang aktres nga si Sunshine Cruz sa pagpabutyag nahanungod sa matuod nga estado sang ila relasyon ni Macky Mathay.

Suno sa aktres, iya gintago ang isyu nahanungod sa ila “break up” bangud may mga kabataan nga involved sa relasyon.

Gin aku ni Sunshine, nga ginpalangga niya ang mga anak ni Macky kag ginpalangga man ni Macky ang iya mga kabataan.

Ginklaro man ni Sunshine, nga wala siya sa posisyon, para ibulgar kon bala may third party sa ila relasyon.

Apang ginpaathag sang aktres nga indi lamang “love” okon gugma ang importante sa relasyon, kundi ang trust subong man ang respeto.

Nagapati ang aktres nga indi dapat nga magpadayon ang isa ka relasyon, kon ang isa sa tatlo nga iya gintumod , madula sa relationship.*