Nasapwan na lamang nga patay sa iya nga selda sa Spain si Antivirus software pioneer John McAfee matapos gin-aprubar sang korte ang iya extradition sa Estados Unidos bangud sa kaso nga tax evasion.
Ginkumpirmar sang tagpamaba sang prison system sa northeastern Catalonia region ang mga media reports nga patay na sang masapwan ang 75 anyos nga si McAfee sa iya nga selda kag gina-alegar naghikog.
Oktubre 2020 sang gindakop si McAfee sa Barcelona airport sang manug-board padulong sa Istanbul.
Gin-alegar hungod nga wala nagfile si McAfee sang iya tax returns humalin 2014 tubtob 2018 apisar sang minilyon nga income gikan sa consulting work, cryptocurrencies kag pagbaligya sang rights sang istorya sang iya kabuhi.
Kung maconvict, magatiner siya sa sulod sang presohan sa kapin 30 katuig.
Sa karon, gina-imbestigahan na ang nagluntad nga insidente.
