Nakarecord sang 4,405 nga mga bag-o nga kaso sang COVID-19 sa Pilipinas kahapon nga adlaw, Lunes nga mas manubo sa 5,279 nga narecord sadtong Domingo.
Sa report sang Department of Health, nagaguwa nga nagnubo ang kadamoon sang aktibo nga kaso ukon mga pasywnte nga ginabulong kag nagapaayo.
Sa kadamoon sang mga aktibo nga kaso, nakabutang sa datos sang DOH nga 76.2% ang “mild” cases, 6.5% ang “asymptomatic,” 5.3% ang “severe,” kag 2.3% ang “in critical” condition.
Naglab-ot naman sa 149 ang mga pasyente nga napatay nga mas manubo sa 208 nga nareport sang Domingo.
Bangud diri, yara sa 41,942 na ang narecord nga death toll sang COVID-19 sa Pilipinas.
Ginsiling naman sang DOH nga may yara sang 118 ka kaso nga anay nakabutang sa kadamoon sang mga nag-ayo ang ginsaylo sa kadamoon sang mga nagtaliwan matapos ang ginpatigayon nga final validation.
