Ginpadaaman ni Presidente Rodrigo Duterte ang mga barangay officials nga nagapamulitika sa pagpanghatag sang ayuda sa mga lugar nga yara sa enhanced community quarantine bangud sa mataas nga kaso sang COVID-19.
Suno kay Presidential Spokesman Harry Roque, indi luyag ni Presidente Duterte nga maliwat ang mga anomaliya sa pagpanghatag sang Social Amelioration Program sa tunga-tunga sang pandemya sa diin madamo ang nagreklamo bangud nga wala malakip sa listahan sang mga benepisyaryo.
Paandam sang presidente, iya nga ipapriso ang mga nagapamulitika nga opisyal sang barangay.Suno kay Roque, madamo sang barangay officials ang nasampulan kag nadisiplina bangud sa paghingalit sa SAP.
“Lesson learned po kung kayo ay mga opisyales ng barangay, ipakukulong po kayo ni Presidente kapag pati ba naman ang ayuda ay pagsasamantalahan ninyo ano, napakadami na pong nadisiplina diyan,” pahayag ni Roque.
Suno pa diri, indi magduha-duha ang presidente nga pinahan ang mga magahingalit sa pandemya.
“Ang mensahe po ni Presidente: Huwag na huwag na ninyong gagalawin ang ayuda sa panahon po ng lockdown at pandemya,” pahayag ni Roque.
