Imbes nga nakasuksok sang school uniform, nagsulod sa buluthuan ang mga estudyante nga nakasuksok sang pantulog para sa “Nap Day Challenge” sa Minalabac, Camarines Sur.
Ginpahayag sang opisyal sang Minalabac National High School nga tuyo sang “Nap Day Challenge” nga ma-amligan ang mental health sang mga estudyante.
Sa sulod sang isa ka oras, ginahatagan sang tion ang mga estudyante nga makatulog sa sulod sang ila nga classroom sa oras sang lunch break.
“Yung ginagawa namin hindi lang siya basta activity o trip-trip lang sa mga bata. May purpose din siya, ang pinaka-purpose o ang pinakalayunin ng activity namin ay yung magkaoon sila ng time para mag-rest, yun ang pinaka-importante, yung ma-improve yung kanilang mental health,” paathag ni Robert Periarce, SSG Adviser sang Minalabac NHS.
Suno sa eksperto, madako nga bulig para sa mental health sang mga estudyante ang pahuway ukon “power nap” sa tunga sang ila mga aktibidades sa buluthuan.
“Kung nakuha nila yung tamang power nap na tinatawag, yung tama talagang sleeping time na maigli lang, puwede talagang maging maganda yung activity o yung energy ng bata pagdating sa hapon. Mas active din siya sa thinking,” suno kay Dra. April Pasilaban-Romulo, Municipal health officer
