Mga Kabataan Nga Wala Mabakunahan, Dapat Nga Magtiner sa Sulod Sang Puluy-an, Suno sa Malakanyang

Suno kay Presidential spokesman Harry Roque, yara sa resolusyon sang Inter Agency Task Force (IATF) nga indi dapat nga mag gwa sa puluy-an ang mga kabataan nga wala pa makabaton sang bakuna para sa COVID 19.

Pahanugutan lamang ang kabataan nga maka gwa sa ila mga puluy-an kon ini ang mag exercise para sa ila mental health.

Ginpalayag man ni Roque, nga mahimo nga magkadto sa mga open spaces ang mga kabataan pero wala ginapanugyan nga ibyahe pa ang kabataan sa malayo nga lugar.*