U.S. – Gin-anunsyar sang pamunuan sang University of Texas at Austin (UTA) sa Estados Unidos nga nalakip na sa pwede pagatun-an bilang subject sang ila nga estudyante ang mga kanta sang singer kag songwriter nga si Taylor Swift.
Suno sa UTA, maya yara sila sang elective subject nga pagatawgon nga “The Taylor Swift Songbook” kun diin mangin sentro sa pagtuon angut diri ang literacy critical reading kag research method-basic skills.
Kabahin man sa pagatun-an sa theoretical issue kag poetic form style ang mga lyrics sang kanta ni Taylor Swift sa idalum sang iya mga “greatest hit album” nga Red, Lover, Folklore kag Evermore.
Samtang, ginpahayag naman sang UTA nga madasig nga napuno ang mga slots sang mga estudyante nga interesado nga pagatun-an ang mga kanta ni Taylor kag gin-abisuhan sang unibersidad ang wala nakakuha sang slots nga sa masunod na lamang nga semester sila mag-enroll.
