BACOLOD CITY– Nagasugod na sang pagkay-o sang dalan sa Barangay Felisa Sanitary Landfill ang MicroAsia Builders Corporation sang nagligad nga Biyernes, Nobyembre 18.
Suno kay Engineer Efraem Hechanova, Assistant City Engineer sang Bacolod City Engineer’s Office, sa kapin Php10,998,000 nga budget angut sa road construction, nagalaum ini nga matapos sa 180 ka adlaw.
Dugang pa ni Hechanova, nagpangayo sila sang dugang nga Php30 milyon nga budget agud makapa-ubra sang daily system kag kun may sobra igapatukod sang streetlights.
Sa duha ka lanes ukon 8 ka metro nga alagyan sang dump trucks, pagakay-uhon diri ang 6 ka metro kag ang nabilin nga 2 ka metro amo ang pagahimu-on nga shouldering.
Humalin barangay proper, kapin 1.2 ka kilometro ang dalan pakadto sanitary landfill.
Rason sang mga basura nga gaka-delay haboy sa landfill ini bangud sa road erosion tuga sang Bagyong Paeng.
Pahayag naman ni Hechanova nga posible matapos ang construction sa Abril tubtob Mayo 2023.*
