Missing Filipino transgender bangkay na sang makit-an sa hotel sa New York

Wala na sang kabuhi ang 47 anyos nga si Rodolfo Mañacap Jr., sang nakit-an nga nagahigda sa katre sang hotel sa New York City sa Amerika.

Pila na ka adlaw nga ginapangita si Mañacap, nga kilala man bilang si Olivia Snow.

Wala sang anuman nga samad sa lawas nga nakita kay Mañacap Jr.

Hibaluon pa ang gintunaan sang kamatayon sang transgender pinaagi sa autopsy.

Nakit-an sang 911 ang bangkay ni Mañacap, sang tinalikdan nga Enero 16 sa wala na ginhingadlan nga hotel.

Ginpasiguro ni Philippine Consul General Senen Mangalile, nga magabulig ang Philippine Consulate agud makapauli ang bangkay ni Mañacap sa Pilipinas.

Ulihi nga nakit-an ang nasambit nga transgender sa New Orleans, nga naglantaw sang Miss Universe.*