Ginatun-an pa ang mix and match sang nagkalain-lain nga brand sang bakuna sang Department of Health (DOH) para sa posible paghatag na sang booster shots sa sini nga Nobyembre.
Suno kay Health Undersecretary kag spokesperson Dr. Maria Rosario Vergeire, ang pag-mix sang nagkalain-lain nga bakuna ang ginadepende sa giyapon sa Food and Drugs Administration (FDA) base sa mga ebidensya nga igasumiter sang DOH All Experts Group (AEG).
Sa Estados Unidos, gin-aprubahan na sang US-FDA at Center for Disease Center for Prevention (CDC) ang ‘mix and match’ sang mga bakuna nga Pfizer, Moderna kag Janssen.
Ini ang ihatag sa mga indibidwal nga yara sa edad 65-anyos pataas, 18 taon pataas nga may mga espesyal nga kundisyon.
Samtang, ginsiling ni Vergeire nga samtang wala pa nagaguwa ang permiso sang lokal nga FDA, ginaprayoridad sa giyapon sang DOH ang mga wala pa nabakunahan nga Pilipino partikular ang mga yara sa 12-17 age group.
Ginahulat pa nila ang rekomendasyon sang World Health Organization Strategic Advisory Group of Experts on Immunization (WHO SAGE) nga ginalauman subong nga Nobyembre.
