Patay ang 35-anyos nga motorcycle rider mga ginkilala kay Joevel Remirez Jr., residente sang Marapara St. sa Brgy. Villamonte, Bacolod samtang pilason naman ang angkas sini nga si Remia Banjate, 31-anyos sang Carvic, Brgy. Mandalagan matapos makabunggo ang ila motorsiklo sa sugata nga salakyan sa Hacienda Adela, Brgy. Lantad sa ciudad sang Silay, pasado las 6 sang aga, Abril 29.
Suno kay Lt. Col. Robert Petate, hepe sang Silay Police Station nga padulong kuntani sa norte nga bahin sang probinsiya sanday Ramirez kag nag overtake ini sa ginasundan nga dump truck apang wala niya matalupangdan ang sugata nga Mitsubishi Adventure nga salakyan, nga gina maneho ni Joevin Jamandre, 40 anyos sang Brgy. Commonwealth, Quezon City nga padulong naman sa sur kag nag resulta sa ila pagbunggo-anay.
Nagtapik ang biktima sa windshield sang adventure kag naglabog naman ang angkas sini.
Ginhingagaw pa dala sa Teresita Lopez Jalandoni Provincial hospital ang naga angkasanay sa motor apang gin deklarar nga dead on arrival si Ramirez.
Padayon naman nga gina bulong ang angkas nga babayi sang biktima kag detinado sa karon si Jamandre sa Silay Police Station, samtang ginahulat ang desisyon sang pamilya sang mga biktima kun mapa saka sang kaso.*
