Nagkalamatay Nga Mga Detainees sang BJMP Bangud sang COVID, Nagsaka Na sa 50

Ginkumpirmar mismo sang Bureau of Jail Management and Penology okon BJMP nga nagsaka na sa 50 ang kadamuon sang mga priso nga nabawian sang kabuhi bangud sang coronavirus disease 19.

Ginpalayag man sang pamunuan nga kalabanan sa mga nabawian sang kabuhi amo ang mga priso nga may comorbidities.

Suno kay BJMP spokesperson Jail Chief Inspector Xavier Solda, may yara na sang 4,610 ka mga priso sa pasilidad ang nagpositibo sa COVID sa diin 4,441 sa ila ang naka recover kag 50 naman ang nagapabilin nga positibo.

Base sa record, kapin sa 43,000 na ka mga priso nga yara sa pasilidad sang BJMP sa bilog nga Pilipinas ang nabakunahan batuk sa coronavirus disease 19.

Ang BJMP may yara sang 123,630 ka mga priso.*