Anum ka mga suspetsado ang gintumod sang mga otoridad nga responsable sa pag ambush sa hepe sa banwa sang Ampatuan sa probinsya sang Maguindanao nga si Police Lt. Reynaldo Samson kag sang isa pa ka pulis nga si Police Corporal Salipuden Endab.
Ginpaulanan sang bala ang mga biktima kahapon, Martes sa Barangay Poblacion sa nasambit nga banwa.
Ginkumpirmar ni PNP chief General Rodolfo Azurin Jr., nga nakilala na sang kapulisan ang mga suspetsado kag ginatugis na ini sang mga otoridad.
Sa nagluntad nga ambush, may duha pa ka mga pulis nga nasamaran sa insidente. Sila amo sanday PCpl. Rogelio Dela Cuesta Jr. kag PCpl. Marc Clint Dayaday.
Magaselbi kuntani sang warrant of arrest ang mga biktima, batuk sa suspek nga akusado sa kaso nga robbery with violence against or intimidation of persons.
