Padayon nga nagatipon sang datos ang Department of Health (DOH), angut sa mga nagkalasamaran sang firecracker okon palupok sa bilog nga Pilipinas, sa pagsug-alaw sang bag-ong tuig.
Suno sa DOH, nagsaka na sa 307 ang kaso sang “firecracker related injuries” sa pungsod, matapos nga nadugangan ini sang 16 ka mga bag-o nga kaso.
Mas mataas sang 62 porsyento ang kaso sini nga tuig, kumparar sa kaso sang 2021.
Nagapanguna sa gihapon ang Metro Manila sa mga lugar nga may pinakamadamu nga kaso nga naglab-ot sa 139.
Nagapangaduha ang Western Visayas nga may 37 ka mga kaso.
Kalakip man sa mga lugar nga may pinakamadamu nga kaso amo ang mga masunod:
Ilocos Region – 33
Central Luzon – 24
Calabarzon – 18
Kalakip sang mga firecrackers okon klase sang palupok nga gintunaan sang pagkasamad sang mga biktima amo ang kwitis, boga, five star kag fountain.*
