Ginahandaan na sang Negros Occidental Police Provincial Office (NOCPPO) ang deployment sang mga kapulisan sa mga storage facilities sang COVID-19 vaccines sa probinsiya.
Suno kay Lt. Abegael Donasco, deputy spokesperson sang NOCPPO, naga-coordinate na sila sa mga local government units kon sa diin igapahamtang ang mga storage faciltities para ma lakip sa ila nga deployment plan.
Pahayag pa sini, nagakadapat nga masecure ang mga storage facilities agud indi magkaladula ang mga bakuna.
Ginsiling man sang deputy spokesperson nga may yara na sang impormasyon gikan sa Camp Crame nga may mainabot nga mga vaccines sang Sinovac sa probinsiya.
Nahibaluan nga prayoridad sang mga bakuna ang mga frontliners sa diin pagatumuron pa sang tagsa ka mga police stations sa probinsiya kun sanday sin-o ang kwalipikado nga mabakunahan.Gindugang pa ni Donasco nga iya pa igaverify kun san-o kag kun pila ka doses sang mga bakuna ang maabot sa probinsiya.
