Ginpaguwa na sang Buckingham Palace ang opisyal nga mga litrato sang koronasyon nanday King Charles III kag Queen Camilla.
Sa report sang Remate, ang mga litrato ang kuha ni British photographer Hugo Burnand kun sa diin suksok sang bag-o nga hari kag reyna ang ila kumpleto nga panapton para sa maragtason nga koronasyon.
Makita sa portrait ni King Charles III nga nakapungko ini sa trono nga gingamit ni King Geogre V sadtong 1902, suksok ang Robe of Estate kag ang Imperial State Crown samtang kapyot ang Sovereign Orb kag Sovereign Sceptre nga may Cross.
Suksok naman sang reyna sa iya nga litrato ang gown nga gindesinyo ni Bruce Oldfield kag Queen Mary’s Crown, kag ang Robe of Estate.
Kaupod man sa isa ka litrato ang iban pa nga miembro sang British Monarch nga nagtambong sa nasambit nga koronasyon.*
